Konviktet e Qytet Studentit - Informacion mbi konviktet

Dhomat janë kryesisht per 2 ose 3 studentë, ndërkohë që ka edhe dhoma ku mund të jetojë vetëm një student i vetëm por duhet folur me sekratrinë për të parë mënyrën se si të merret një dhomë e tillë. Në çdo dhomë, secili student ka:

• Krevat
• Etazher
• Dollap
• Komodinë për enë/ushqime

Shumica e dhomave kanë ballkon por ka edhe nga ato dhoma të cilat nuk kanë. Tualetet/dushet janë në fund të korridorit dhe janë të perbashkët.

Çmimi që duhet të paguani për muaj varion. Çmimi nis nga 4500 lekë në muaj dhe mund të shkojë deri në 5500 lekë në varësi të godinës ku ju do të strehoheni. Në varësi të godinave variojnë edhe kushtet e tualeteve. Psh. godinat 28/29 kanë ujë të ngrohtë dhe kanë kushte goxha të mira.

Përsa i përket godinave të reja, pagesa është 5500 lekë në muaj dhe bëhet për 4 muaj rrjesht, plus një shumë që jepet si garanci (rreth 5000 lekë) në rast se dikush dëmton gjerat e dhomës. Për t'u akomoduar në një nga këto godina, ju duhet të regjistroheni online. Pagesa për dhomën bëhet tek banka BKT, komisioni për pagesën është 100 lekë. Para se të beni pagesën duhet të regjistroheni në portalin online në rast se dëshironi të jetoni në godinat 28/29, ndërsa në godinat e tjera duhet të regjistroheni pranë konviktit në sekretari.

Në këtë faqe në Facebook ju do të mund të kontaktoni me sekretarinë për të marrë çdo informacion të nevojshëm. Faqja e mëposhtme kthen përgjigje shumë shpejtë.

PYETJE DHE PËRGJIGJE

Si mund të lani rrobat:
Konviktet kanë secila një lavanteri nga ku ju nëpërmjet një tarife të caktuar mund të lani rrobat tuaja.