Stafi i PortaliStudentor.al
MAS gjatë maturës 2020 solli ndryshime rrënjësore përsa i përket provimeve të maturës pasi këto të fundit nuk u kryen sipas modeleve të vjetra, por vetëm me alternativa.
Nxënësit kishin mundësinë të qarkonin një nga 4 alternativat për çdo pyetje dhe kjo ishte mënyra e vlerësimit për maturën e këtij viti. Duke analizuar këto statistika (të cilat mund t'i gjeni më poshtë), vihet re që maturantët e këtij viti kanë marrë nota dukshëm më të mira se maturantët e vitit të kaluar.
Ajo që bën më shumë përshtypje, është fakti që në provimin e matematikës të Maturës 2019, nota e cila u mor më shumë në provim ishte nota 5, ndërkohë që në provimin e Maturës 2020, po kjo notë ishtë nota 9. Vihet re edhe raporti midis personave që kanë ngelur në provim, si edhe ata që kanë marrë 10.00.
Nëse flasim për Maturën e vitit 2019, mbetës ishin plotë 2170 maturantë, ndërkohë që maturantë me notën 10.00 ishin vetëm 31. Nëse i krahasojmë këto shifra me shifrat e Maturës 2020, vëmë re se janë të ndryshme si nata me ditën.
Në Maturën 2020 janë vetëm 680 mbetës dhe numri i personave që kanë marrë 10.00 duket sikur është rritur me 5 herë, duke e çuar këtë numër në 166. Më poshtë keni grafikët me shpërndarjen e notave të provimeve të 2019 dhe 2020.
