Pyetjet më të shpeshta të aplikimit universitar
pyetje-pergjigje

Pyetjet më të shpeshta të aplikimit universitar

Më poshtë u jemi përgjigjur pyetjeve më të shpeshta që na vinë gjatë kësaj kohe.

Stafi i PortaliStudentor.al Stafi i PortaliStudentor.al
12 July, 2023
Përditësuar më: Aug. 23, 2023, 12:32 p.m.

Çfarë është formulari A1Z dhe si ta plotësoj atë?

Formulari A1Z është një formular që plotësohet nga maturantët e viteve të kaluara të cilët duan të aplikojnë në universitet këtë vit. Ai plotësohet në disa data specifike, të cilat për momentin janë 12-13 korrik, nga ora 08:00-16:00. Formulari plotësohet fillimisht në E-Albania dhe më pas duhet shkuar tek gjimnazi ku jeni diplomuar për të ta konfirmuar.

> Nëse gjimnazi është mbyllur:

Shkoni në zyrën vendore arsimore ose në drejtorine rajonale arsimore.


E kam plotësuar një herë formularin A1Z për këtë vit, a duhet ta plotësoj prapë?

Jo, mjafton ta kesh plotësuar vetëm një herë.


Kam marrë ID e re të maturantit pasi plotësova A1Z, por në portalin UAlbania më del që perdoruesi nuk ekziston, çfarë të bëj?

Fol me gjimnazin ku plotësove A1Z.


Si ta marr certifikatën e maturës shtetërore ose diplomën?

Certifikata e maturës shtetërore merret në e-Albanian e njërit prej prindërve tuaj në seksionin "Dokumentat e mia".

Nëse prindërit tuaj nuk kanë e-albania atëhere hapjani juve llogarinë. Nëse nuk ia hapni dot llogarinë shkoni pranë një kancelarie ku ofrohen shërbime ndihmuese në lidhje me e-albania.

Në rast se certifikata nuk është tek llogaria e prindërve, kontrolloni llogarinë tuaj, po tek hapësira "dokumentat e mia". Nëse nuk është as në llogarinë tuaj, flisni me gjimnazin tuaj qe t'ju orientojnë.

Nëse gjimnazi juaj nuk ju orienton, shkoni pranë Zyrës Vendore Arsimore ose pranë Drejtorise Rajonale Arsimore për të kërkuar ndihmë për marrjen e certifikatës.


A e kap dot X degë studimi me mesatare X?

Për të marrë përgjigje për këtë pyetje shkoni në shërbimin tonë të gjetjes së degëve që mund të fitoni në bazë të mesatares. Shërbimi gjendet këtu. Edhe ne aty i shohim mundësitë që ka gjithsecili për të fituar një degë të caktuar studimi me mesataren që ai/ajo ka.


Do vazhdoj studimet në një universitet privat ose në një program profesional, a duhet ta paguaj faturën?

Po, duhet ta paguash. Kushdo që do vazhdojë shkollën e lartë këtë vit pavarësisht se ku do e vazhdojë atë, duhe të paguajë faturën e aplikimit universitar e cila kushton 2000 lekë.


Çfarë është fatura e aplikimit universitar? Ku ta paguaj? Çfarë të bëj me faturën?

Fatura e aplikimit universitar kushton 2000 lekë dhe paguhet në një filial të Postës Shqiptare ose në një filial të bankave të nivelit të dytë (Raiffeisen, BKT, Tirana Bank, OTP, Credins, Union Bank, etj.) Pasi merret dhe pritnohet fatura, duhet ta çoni siç e keni në një nga këto filialet. Më pas punonjësi i filialit do ju udhëzojë.

Kodin që do keni tek letra që do ju japë punonjësi i filialit do e ruani dhe më pas letrën do e çoni tek gjimnazi juaj. Nëse nuk e çoni tek gjimnazi juaj atëherë nuk do ju konfirmohet fatura.


A vlen një faturë e paguar vitet e kaluara këtë vit? A vlen fatura që paguaj në raund të parë për aplikimin në raund të dytë?

Jo, një faturë e paguar vitet e kaluara nuk vlen këtë vit. Fatura që paguhet këtë vit vlen për të gjitha raundet e aplikimit universitar.


A ka problem nese e printoj sot faturen dhe pagesen shkoj ta bej neser?

Jo, nuk ka asnje problem. Mjafton që deri në datë 27 korrik të kesh bërë pagesën.


Jam nga trojet shqiptare, si mund të aplikoj në kuotat e vendosura për ne?

Lexo udhëzimin këtu: https://ualbania.al/theme/files/urdher_i_perbashket_rash_qsha_nr_10_2023.pdf


Çfarë është mesatarja VKM dhe çfarë përfshin?

Mesatarja VKM është mesatare e kombinuar e gjimnazit dhe provimeve të maturës. Për të llogaritur mesataren tuaj VKM shkoni këtu: https://www.portalistudentor.al/sherbime/llogarit-mesataren-vkm/


Sa duhet ta kem mesataren VKM për të fituar bursë dhe si funksionon?

Të gjithë ata që kanë mesatare VKM 9.0 e sipër përfitojnë 10 000 lekë në muaj si edhe nuk paguajnë tarifë studimesh. Bursa merret vetëm kur regjistrohesh në një universitet shtetëror. Listën e universiteteve e gjen këtu, bashkë me tipin, pra shtetëror ose privat, https://www.portalistudentor.al/lista-universiteteve/.

Bursën e fitojnë të gjithë ata që përmbushin kriterin e mesatares dhe nuk ka nevojë për aplikim.


E kam mesataren VKM 8.5, a përfitoj bursë?

Jo, duhet 9.0 e sipër.

E kam mesataren VKM 8.9, a përfitoj bursë?

Jo, duhet 9.0 e sipër.

E kam mesataren VKM 8.99, a përfitoj bursë?

Jo, duhet 9.0 e sipër.

Cilat kategori të tjera përfitojnë bursë?


Kur përpiqem të hy në portalin UAlbania më thotë që përdoruesi nuk ekziston. Çfarë problemi ka?

Ky problem mund të ketë disa shkaqe. E para, nëse jeni maturant i viteve të kaluara dhe keni plotësuar formularin A1Z, tek ID e maturantit do vendosni ID e re e cila fillon me 23 dhe jo ID e vjeter.

Nese jeni maturant i këtij viti, portali UAlbania mund të ketë probleme momentale, kështu që provoni përsëri më vonë.

Nëse përseri nuk ju hapet, atëherë kontaktoni me shkollën tuaj që t'ju asistojnë.


Komentet (
)
image
Ju nuk keni nje llogari
Regjistrohu ose Hyr