Politikat e privatesise

POLITIKA E PRIVATËSISË

“Portal Solutions Albania” është një subjekt i të drejtës i themeluar dhe i organizuar në përputhje me të drejtën shqiptare, i regjistruar në Qendrën Kombëtare të Biznesit me NUIS M31704005G (këtu e në vijim referuar si “Portali” ose “Ne”)

Portali është kontrolluesi dhe përpunuesi i të dhënave tuaja pesonale. Në rast të pyetjeve apo shqetësimeve në lidhje me këtë Politikë Privatësie ose të dhënat tuaja personale, ju mund të na kontaktoni në: [email protected]

Portali mbledh dhe përpunon të dhënat personale gjatë përdorimit dhe/ose instalimit të Platformës “PortaliStudentor.al”, dhe në lidhje me regjistrimin dhe përfitimin e shërbimeve, në përputhje me kushtet përkatëse të përdorimit.

Gjithashtu, Portali mund të mbledhë të dhënat personale të individëve që ndërveprojnë me ne, duke përfshirë shfletimin e faqes së internetit dhe përdorimin e aplikacionit.

Duke përdorur faqen e internetit, aplikacionet dhe shërbimet tona, ju (këtu e në vijim referuar si “Ju” ose “Përdoruesi”) pranoni përpunimin e të dhënave tuaja personale nga Portali në përputhje me këtë Politikë Privatësie.

1. TË DHËNAT PERSONALE QË MBLEDHIM DHE PËRPUNOJMË

Të dhënat personale përpunohen përgjithësisht me qëllim që të ofrojmë shërbimet e kontraktuara përmes Platformës. Platforma mbledh të dhëna nga Përdoruesi që përfshijnë:

• Të dhënat e identitetit dhe ato të kontaktit, duke përfshirë emrin, mbiemrin, seksin, datën e lindjes, numrin e telefonit, adresën e postës elektronike, që mblidhen gjatë përdorimit dhe/ose instalimit dhe/ose regjistrimit në aplikacionin.
• Të dhënat e identitetit të kontaktit të emergjencës, duke përfshirë emrin, numrin e telefonit, adresën e postës elektronike, që mblidhen gjatë instalimit dhe/ose regjistrimit në aplikacion.
• Të dhëna në lidhje me statusin tuaj arsimor, duke përfshirë vitin e studimeve, institucionin e arsimit parauniversitar dhe vendndodhjen e tij, rezultatet e vlerësimeve që lidhen me arritjet e të nxënit, vlerësimet e jashtme në provimet e Maturës Shtetërore dhe ato të pranimit në institucionet e arsimit të lartë.
• Kur regjistroheni për krijimin e llogarisë, ID-në tuaj të përdoruesit dhe fjalëkalimin dhe informacionin e llogarisë përkatëse.
• Tekstin, imazhet dhe përmbajtjet e tjera të përdoruesit që ofroni në Portal.
• Informacione për uebsajtin dhe komunikimin, të tilla si detajet e mbledhura nga cookies dhe teknologji të tjera të ngjashme gjurmimi kur përdorni faqet ose aplikacionet tona.
• Informacion mbi preferencat e programeve të studimit për të ndihmuar përdoruesin në ndjekjen dhe menaxhimin e aplikimeve në institucionet e arsimit të lartë, me qëllim krahasimin dhe vlerësimin e mundësive për t’u pranuar në një program të caktuar studimi.
• Nëse ju ndalojmë ose pezullojmë përdorimin e shërbimit, një regjistrim të atij ndalimi ose pezullimi.

1. RUAJTJA E TË DHËNAVE PERSONALE

Të dhënat tuaja personale do të ruhen për aq kohë sa ju keni një llogari aktive në Portal. Nëse llogaria juaj mbyllet, të dhënat personale do të fshihen, shkatërrohen në mënyrë të sigurt ose anonimizohen (sipas politikave të përcaktuara në këtë dispozitë) nga databazat, përveç rasteve kur të dhëna të tilla duhet të ruhen për shkak të ligjit apo akteve nënligjore ose për qëllime legjitime të biznesit, duke përfshirë këtu veprimet e kontabilitetit apo zgjidhjen e mosmarrëveshjeve. Kjo nënkupton që:

• Të dhënat që lidhen me statusin tuaj arsimor dhe informacionet mbi preferencat e programeve të studimit do të ruhen për një afat maksimal prej 1 (një) viti nga data e regjistrimit të të dhënave, përveç rasteve kur aplikacioni mbyllet më parë nga ne.
• Të dhënat e kontaktit të emergjencës do të ruhen për një afat maksimal prej 6 (gjashtë) muajsh nga data e regjistrimit të të dhënave, përveç rasteve kur aplikacioni mbyllet më parë nga ne dhe/ose një mbajtje përtej këtij afati është e justifikuar nga nevoja. Në rast se mbajtja e të dhënave të kontaktit të emergjencës jusitifkohet, ajo nuk mund të jetë më e gjatë sesa afati maksimal prej 1 (një) vit ii parashikuar më sipër, me përjashtim të rasteve vijuese.
• Të dhënat e nevojshme për qëllime kontabiliteti/fiskale, nëse ka, do të ruhen për një afat maksimal prej pesë vitesh nga data e regjistrimit.
• Nëse aplikacioni nuk përdoret për një periudhë prej 2 vitesh, ne do t’ju njoftojmë dhe do t’ju kërkojmë të konfirmoni nëse llogaria juaj është ende aktive. Nëse nuk marrim asnjë përgjigje brenda afatit të përcaktuar nga ne, llogaria juaj do të mbyllet dhe të dhënat personale do të fshihen, shkatërrohen në mënyrë të sigurt ose anonimizohen, përveç rasteve kur ruajtja e këtyre të dhënave kërkohet për qëllime legjitime biznesi, duke përfshirë veprimet e kontabilitetit, zgjidhjes së mosmarrëveshjes ose parandalimit të mashtrimit, brenda 12 muajve të ardhshëm.
• Në rastet kur ka dyshime për një kundërvajtje administrative ose penale, mashtrim ose fallsifikim, të dhënat do të ruhen për 10 vjet.
• Në rastet e mosmarrëveshjeve ose hetimeve, të dhënat do të mbahen deri në përmbushjen/zgjidhjen e pretendimeve ose hetimeve ose deri në parashkrimin e afatit të këtyre pretendimeve.

Lutemi, të vini re se çinstalimi i aplikacionit nga pajisja juaj nuk shkakton fshirjen, shkatërrimin ose anonimizimin automatik të të dhënave tuaja personale. Në rast të çinstalimit të aplikacionit, ju duhet t’i drejtoheni me një kërkesë Portalit për fshirjen, shkatërrimin ose anonimizimin e të dhënave.

1. SI DHE PËRSE I PËRDORIM TË DHËNAT TUAJA PERSONALE

Ne mbledhim dhe përdorim të dhënat tuaja personale për qëllime të ofrimit të uebsajtit dhe/ose aplikacionit Portali Studentor dhe për qëllime legjitime biznesi. Këto përfshijnë qëllimet e përshkruara më poshtë. Sipas Ligjit nr. 124/2024 “Për mbrojtjen e të dhënave personale” (këtu e një vijim referuar si “Ligji”), dhe akteve nënligjore të dala në bazë dhe për zbatim të tij, përdorimi i të dhënave personale nga Portali duhet të justifikohet nga një nga bazat ligjore të përcaktuara. Këto qëllime përmenden më poshtë.

1. Për ofrimin e shërbimeve tek ju [baza ligjore: pëlqimi, sipas gërmës “a”, të pikës 1, të nenit 7, të Ligjit; përmbushja e detyrimeve kontraktore, sipas gërmës “b”, të pikës 1, të nenit 7, të Ligjit; dhe interesat tona legjitime, që lidhen me ofrimin e shërbimit, sipas gërmës “dh”, të pikës 1, të nenit 7, të Ligjit].

• Për të identifikuar përdoruesin në Platformë, duke përfshirë dhe autentifikimin e llogarisë dhe përdoruesit, si dhe identifikimin e përdoruesit në të gjitha komunikimet zyrtare.
• Për të personalizuar profilin e secilit përdorues, përfshirë dhe statusin e tij arsimor, duke i kategorizuar përdoruesit sipas grupmoshës, kategorisë dhe ciklit të studimeve, për qëllime statistikore dhe të ofrimit të shërbimeve të personalizuara.
• Për të llogaritur pikët dhe renditjen e përdoruesit, në mënyrën më të saktë dhe përafërt të mundur, në bazë të sistemit të pranimeve në institucionet e arsimit të lartë dhe programet përkatëse të studimit.
• Për të lehtësuar ndjekjen dhe menaxhimin e aplikimeve për ndjekjen e studimeve në një nga programet e studimit të ofruar nga institucionet e arsimit të lartë, duke i lejuar përdoruesit mundësinë për të vlerësuar shanset e pranimit në programin përkatës.
• Mund të përdorim të dhëna personale për të ofruar aplikacionin tonë, për të krijuar dhe menaxhuar llogaritë tuaja të përdoruesit dhe për t'ju lejuar të jepni vlerësim mbi shërbimin e përfituar.
• Ne përdorim të dhënat tuaja personale për të ofruar mbështetje, duke përfshirë ndihmesën për zgjidhjen e çështjeve apo shqetësimeve të ndryshme dhe për t’ju përgjigjur pyetjeve.
• Ne përdorim të dhënat e kontaktit për t’ju informuar mbi përditësime në lidhje me faqen tone të internetit dhe aplikacionin.
• Ne përdorim të dhënat e kontaktit të emergjencës vetëm në rast se komunikimi me ju bëhet i pamundur dhe vetëm për t’i informuar ata në lidhje me ju.

1. Për qëllime të kërkimit dhe zhvillimit [baza ligjore: për interesat tona legjitime, sipas gërmës “dh”, të pikës 1, të nenit 7, të Ligjit].

• Për të përmirësuar faqet tona të internetit dhe aplikacionin, përfshirë aspektet e tyre që lidhen me sigurinë, duke i analizuar të dhënat tuaja për të kuptuar më mirë biznesin dhe shërbimet tona.
• Për të kategorizuar kategorizuar përdoruesit sipas grupmoshës, kategorisë dhe ciklit të studimeve për qëllime statistikore që i shërbejnë zhvillimit të veprimtarisë tonë.

1. Për t’ju ofruar materiale promocionale në kuadër të marketingut të drejtpërdrejtë, duke përfshirë dhe marketingun e targetuar dhe profilizimin [baza ligjore: pëlqimi juaj, sipas gërmës “a”, të pikës 1, të nenit 7, të Ligjit; dhe interesat tona legjitime, sipas gërmës “dh”, të pikës 1, të nenit 7, të Ligjit].

• Kur lejohet nga ligji (gjithmonë do t'ju ofrohet mundësia për të mos pranuar mesazhe të ardhshme), ne ose partnerët tanë mund t'ju kontaktojnë me mesazhe promocionale të personalizuara për të promovuar shërbimet.

1. Për të përmbushur detyrimet tona ligjore [baza ligjore: për të përmbushur detyrimet ligjore, sipas gërmës “d”, të pikës 1, të nenit 7, të Ligjit dhe interesat tona legjitime, sipas gërmës “dh”, të pikës 1, të nenit 7, të Ligjit].

• Mund të përdorim të dhënat tuaja personale për të zbatuar kushtet tona dhe për të përmbushur kërkesat që burojnë nga legjislacioni i zbatueshëm, duke përfshirë dhe njoftimin e ndryshimeve në Politikën e Privatësisë etj.

1. Për të riorganizuar ose bërë ndryshime në biznesin tonë (baza ligjore: interesat legjitime, sipas gërmës “dh”, të pikës 1, të nenit 7, të Ligjit].

• Në rast se negociohet shitja e biznesit tonë, ose një pjesë e tij, të dhënat personale mund t’i transferohen, nën kushtet e konfidencialitetit, palës së tretë përkatëse për qëllime analitike ose pas shitjes.

1. PËRPUNIMI AUTOMATIK I TË DHËNAVE PERSONALE

Ne mund të kryejmë analiza automatike të të dhënave tuaja personale për të marrë disa vendime në mënyrë të automatizuar, pa ndërhyrjen e njeriut. Pavarësisht kësaj, ne garantojmë se përdorimi i vendimmarrjes së automatizuar është më pak i prirur ndaj gabimeve, më efikas dhe më i sigurt sesa përdorimi manual përmes punonjësve. Këto vendimmarrje mund të përfshijnë:

• Llogaritja e pikëve dhe renditjes së përdoruesit – ne përdorim të dhënat tuaja personale që lidhen me statusin tuaj arsimor për të përllogaritur pikët dhe renditjen tuaj, në mënyrën më të saktë dhe të përafërt të mundur, në bazë të sistemit të pranimeve në institucionet e arsimit të lartë për secilin prej programeve të studimit, për të cilin ju keni shfaqur interes. Kjo vendimmarrje bazohet në pëlqimin tuaj, si dhe në zbatimin e marrëdhënies kontraktore mes Jush dhe Portalit Studentor. Po ashtu, kjo vendimmarrje nuk synon të krijojë ndonjë pasojë ligjore, por ka vetëm qëllime informuese.
• Përcaktimi i fushës së interesit për studim – ne përdorim të dhënat tuaja personale për të përcaktuar fushën tuaj të interesit për studim, që përbën një kategori tematike ose disiplinë që përmbledh programe studimi të ngjashme për nga përmbajtja dhe/ose objektivat akademikë, dhe që pasqyron orientimin e përdoruesit në zgjedhjen e programit të studimit.
• Lehtësimi i ndjekjes dhe menaxhimit të aplikimeve – ne përdorim të dhënat tuaja personale për të ndihmuar në lehtësimin e ndjekjes dhe menaxhimit të aplikimeve tuaja për ndjekjen e një programi studimi në institucionet e arsimit të lartë. Kjo vendimmarrje bazohet në pëlqimin tuaj, si dhe në zbatimin e marrëdhënies kontraktore mes Jush dhe Portalit Studentor. Po ashtu, kjo vendimmarrje nuk synon të krijojë ndonjë pasojë ligjore, por ka vetëm qëllime informuese.
• Lejimi për të përdorur ose vazhduar përdorimin e aplikacionit dhe shërbimeve tona – ne mund të përdorim informacionin që lidhet me rezultatet e kontrolleve të sfondit, proceset e verifikimit dhe analizën e sjelljes (p.sh., kur sjellja juaj duket e ngjashme me pastrimin e parave ose sjellje të njohura mashtruese, ose nuk përputhet me deklaratat tuaja të mëparshme, ose dukeni se keni fshehur qëllimisht identitetin tuaj të vërtetë) për të vendosur automatikisht nëse do t'ju lejojmë të përdorni aplikacionin dhe shërbimet tona, ose për t'ju ndaluar automatikisht përdorimin e tyre. Kjo bëhet bazuar në nevojën për të hyrë në një kontratë me ju dhe brenda interesit publik, për të parandaluar ose zbuluar një vepër penale.
• Trajtimi e ankesave – ne mund të përdorim informacionin dhe/ose ankesat që dërgoni pranë Portalit Studentor. Informacioni që lidhet me ankesat tuaja mund të përdoret për të gjeneruar një përgjigje të automatizuar, e cila më pas do të vlerësohet nga një person, i cili vendos përfundimisht mbi ankesën tuaj.

Në lidhje me secilin nga rastet e vendimmarrjes së automatizuar të përmendura më sipër, ju keni të drejtën për një rishikim të vendimit nga ana e një punonjësi; të kundërshtoni përpunimin e të dhënave tuaja personale për qëllime të vendimmarrjes së automatizuar, siç përmendet në seksionin “Të drejtat tuaja në lidhje me të dhënat tuaja personale”; të shprehni pikëpamjen tuaj; dhe të kundërshtoni rezultatin e vendimmarrjes.

Ju lutem vini re se mund të aplikohen përjashtime dhe kufizime të caktuara për të drejtën tuaj për të kundërshtuar vendimmarrjen e automatizuar, siç parashikohet nga Ligji. Ne do t'ju ofrojmë informacion të qartë në lidhje me pasojat e ushtrimit të të drejtave tuaja dhe proceset e përfshira në kundërshtimin e vendimmarrjes së automatizuar.

Ne mund ta refuzojmë kërkesën, siç lejohet nga Ligji, duke përfshirë rastet kur dhënia e informacionit do të rezultonte në zbulimin e një sekreti tregtar ose do të ndërhynte në parandalimin ose zbulimin e mashtrimit ose të një krimi tjetër. Megjithatë, përgjithësisht, në këto rrethana, përgjigjja jonë do të kufizohet në verifikimin (ose kërkimin e një pale të tretë përkatëse për të verifikuar) që algoritmet dhe të dhënat e tjera burimore funksionojnë siç pritet, pa gabime ose ndonjë defekt tjetër.

Për më shumë informacion mbi të drejtat që mund të keni sipas ligjit të zbatueshëm për mbrojtjen e të dhënave (dhe si t’i ushtroni ato), ju lutemi shikoni seksionin më poshtë të titulluar “Të drejtat tuaja në lidhje me të dhënat tuaja personale”.

1. STATISTIKAT

Ne mund të përdorim të dhënat tuaja personale për qëllime statistikore për shkak të interesit tonë të ligjshëm, në lidhje me ushtrimin e veprimtarisë tonë dhe ofrimin e shërbimeve tek ju, që lidhen me përllogaritjen e vlerësimeve të të nxënit, vlerësimet e jashtme, si dhe mbi fushat e interesit, të cilat ju i keni përzgjedhur ndër pesë degët e preferencës. Për këtë arsye, të dhënat personale i nënshtrohen minimizimit dhe pseudonimizimit, duke mos iu atribuar një subjekti specifik të dënash. Për ruajtjen e këtyre të dhënave, Portali ka marrë masa teknike dhe organizative që pamundësojnë që kjo kategori të dhënash t’i atribuohet një subjekti të caktuar.

1. MARKETINGU I DREJTPËRDREJTË DHE PROFILIZIMI

Ne mund t'ju kontaktojmë me mesazhe promovuese në lidhje me aplikacionin dhe produktet dhe shërbimet e partnerëve tanë përmes email-it, SMS-it, telefonit, rrjeteve sociale dhe, kur kërkohet nga ligji, do të kërkojmë pëlqimin tuaj në momentin kur mbledhim të dhënat tuaja për të kryer ndonjë nga këto lloje marketingu në faqen tonë të internetit ose në aplikacionin tonë.

Po ashtu, institucionet partnere të regjistruara në Platformën e Portalit Studentor do të kenë mundësinë për marketing të drejtpëdrejtë, targetuar dhe profilizim, vetëm bazuar në të dhënat tuaja të identitetit, të dhënat që lidhen me statusin tuaj arsimor, fushën e interesit për studim. Asnjë institucion nuk do të ketë mundësinë të promovojë produktet apo shërbimet e tyre për shkak të përzgjedhjes së një institucioni tjetër të arsimit të lartë.

Nëse nuk dëshironi më të merrni mesazhe të marketingut të drejtpërdrejtë, ju lutemi klikoni lidhjen “Ç’regjistrohu nga mesazhet e marketingut të drejtpërdrejtë” në fund të mesazhit tonë të marketingut. Ju gjithashtu mund të ç’regjistroheni përmes seksionit Profili në aplikacionin tonë, ose duke na kontaktuar në detajet e kontaktit të specifikuara më poshtë në seksionin “Pyetje dhe Përditësime”.

1. ZBULIMI I TË DHËNAVE PERSONALE PËR PALËT E TRETA (MARRËSIT)
2. Zbulimi i Përgjithshëm i të Dhënave Personale

Portali ndan dhe zbulon të dhënat tuaja personale tek palë të treta për qëllimet dhe në referim të bazës ligjore të përcaktuar në seksionin e tretë të këtyre Politikave, me përjashtim të të dhënave të kontaktit. Palët e treta përfshijnë institucionet e arsimit të lartë me të cilat Portali Studentor bashkëpunon dhe janë të regjistruara në Platformën përkatëse.

Përjashtimisht, të dhënat tuaja që lidhen me preferencat mbi programin apo institucionet e arsimit të lartë të përzgjedhur prej jush, nuk do të shpërndahen me asnjë institucion tjetër të arsimit të lartë përveç atij të përzgjedhur nga ana juaj. Në këtë rast, institucionet e tjera të arsimit të lartë, partnerë të Portalit Studentor, do të kenë mundësi për t’u njohur vetëm me fushën tuaj të interesit për studim.

1. Zbulimi i të Dhënave Personale për Agjencitë Ligjzbatuese dhe Proceset Gjyqësore

Ne jemi të përkushtuar të garantojmë sigurinë e të gjithë përdoruesve të shërbimeve tona. Ne trajtojmë me seriozitet çdo raportim të sjelljeve të paligjshme dhe rezervojmë të drejtën, sipas gjykimit tonë, të ofrojmë informacion për palë të treta, duke përfshirë, por pa u kufizuar në forcat e rendit, autoritetet rregullatore, qeveritar, të hetimit ose gjykimit kur kërkohet nga ligji ose aktet nënligjore në fuqi ose kur e konsiderojmë të nevojshme.

Nëse bëhemi të vetëdijshëm se palët e treta, forcat e rendit, autoritetet rregullatore, qeveritare ose gjyqësore kërkojnë informacion për të dhënat tuaja personale për një hetim administrativ apo penal ose lidhur me pretendime ligjore, ne do të bashkëpunojmë siç kërkohet nga ligji ose rregulloret në fuqi ose për aq sa kërkesa e tyre është e arsyeshme dhe ne mund t’u ofrojmë atyre të dhënat tuaja personale. Të dhënat personale që mund të ofrojmë përfshijnë:

• Emrin;
• Datën e lindjes;
• Numrin e kontaktit;
• Adresën e banimit (nëse disponohet);
• Çdo të dhënë personale tjetër, të kërkuar nga autoritetet ligjvënëse për aq sa vjen në përputhje me qëllimin e kërkesës.

Ne mund, sipas vlerësimit dhe bindjes sonë brendshme, t’ju informojmë që kemi ndarë të dhënat tuaja personale për këto palë të treta. Ne rezervojmë të drejtën të paraqesim rastin tuaj pranë organeve ligjzbatuese nëse bëhemi të vetëdijshëm për veprime ose sjellje që mund të përbëjnë kërcënim për sigurinë ose që ngrejnë dyshime për veprime të kundërligjshme, të dënueshme nga legjislacioni penal.

1. Zbulimi i të Dhënave Personale midis Jush dhe Partnerëve

Të dhënat tuaja personale zbulohen për institucionet e arsimit të lartë, partnere të Platformës Portali Studentor, të cilat janë të regjistruara në këtë Platformë. Përjashtimisht, të dhënat që lidhen me preferencat tuaja për institucionet e arsimit të lartë nuk do të shpërndahen me asnjë institucion tjetër, përveç institucioneve të përzgjedhura nga ana juaj, të cilat do të kenë mundësi të shohin vetëm preferencën për institucionin e tyre. Të gjithë institucionet e tjera të arsimit të lartë do të kenë mundësi të njihen me fushën tuaj të interesit për studim.

Në çdo rast, asnjë institucion i arsimit të lartë nuk do të ketë të dhënat tuaja personale të kontaktit, por do të ketë akses t’ju kontaktojë përmes chat-it të inkorporuar brenda Platformës së Portalit Studentor.

Në asnjë rast, institucionet e arsimit të lartë nuk do të mund të ruajnë të dhënat tuaja sensitive. Pas përfundimit të periudhës së regjistrimit për ndjekjen e një programi studimi në një institucion të arsimit të lartë, Partnerët duhet të fshijnë dhe shkatërrojnë të gjitha të dhënat personale të përdoruesve.

1. SI I MBROJMË TË DHËNAT TUAJA PERSONALE

Asnjë transmetim i të dhënave përmes internetit ose faqeve të internetit nuk mund të garantohet si plotësisht i sigurt nga ndërhyrjet. Megjithatë, ne kemi ndërmarrë masa mbrojtëse fizike, elektronike dhe procedurale të arsyeshme nga pikëpamja tregtare për të mbrojtur të dhënat tuaja personale në përputhje me kërkesat ligjore të zbatueshme për mbrojtjen e të dhënave.

Të gjitha të dhënat personale që na jepni ruhen në serverët tanë ose të nënkontraktorëve tanë të sigurt dhe aksesohen e përdoren në përputhje me protokollet dhe standardet tona të sigurisë, që përfshijnë, por nuk kufizihen në: autentifikim me OAuth 2.0 ose JWT, kontroll të aksesit në bazë rolesh (RBAC), enkriptim të plotë të trafikut me HTTPS, politika të avancuara të sigurisë (Content Security Policy, X-Frame-Options, etj.), mbrojtje ndaj XSS, CSRF dhe SQL Injection, cookie të sigurta, si dhe në auditimin dhe monitorimin periodik të sistemit.

Në rastet kur ju kemi dhënë (ose kur keni zgjedhur) një fjalëkalim që ju mundëson të aksesoni pjesë të caktuara të faqes sonë të internetit ose aplikacioneve mobile, ju jeni përgjegjës për ruajtjen e konfidencialitetit të këtij fjalëkalimi dhe për zbatimin e çdo procedure tjetër sigurie për të cilën ju njoftojmë.

Ju kërkojmë të mos ndani fjalëkalimin me askënd.

1. TË DREJTAT TUAJA NË LIDHJE ME TË DHËNAT PERSONALE

Ju keni të drejtën të çregjistroheni nga komunikimet e marketingut në çdo kohë. Për ta bërë këtë, klikoni mbi lidhjen “Çregjistrohu nga mesazhet e marketingut të drejtpërdrejtë” në krye të e-mailit tonë të marketingut. Ju gjithashtu mund të çregjistroheni përmes seksionit të Profilit në aplikacion ose duke na kontaktuar në detajet e kontaktit të specifikuara më poshtë në seksionin “Pyetje dhe përditësime”.

1. E drejta e aksesit

Ju keni të drejtën për akses dhe të informoheni rreth të dhënave tuaja personale që përpunohen nga ne dhe qëllimin e këtij përpunimi. Ne ju japim mundësinë të shihni disa të dhëna përmes llogarisë tuaj të përdoruesit në Platformë ose të kërkoni një kopje falas të të dhënave tuaja personale, e cila do t’u vendoset si rregull, në dispozicion jo më vonë se 30 (tridhjetë) ditë nga data e paraqitjes së kërkesës. Kjo periudhë mund të zgjatet në përputhje me parashikimet e Ligjit.

1. E drejta për të tërhequr pëlqimin

Nëse përpunimi bazohet në një pëlqim të dhënë nga përdoruesi, përdoruesi ka të drejtën të tërheqë pëlqimin në çdo kohë pa kosto. Tërheqja e një pëlqimi mund të pakësojë mundësitë për përdorimin e shërbimeve të Portalit Studentor. Tërheqja e pëlqimit nuk prek ligjshmërinë e përpunimit bazuar në të deri në ҫastin e tërheqjes së tij.

1. E drejta për të kërkuar korrigjimin

Ju keni të drejtën që të dhënat tuaja personale që janë të pasakta ose të paplota dhe që janë ruajtur prej nesh, të korrigjohen ose përditësohen, duke na kontaktuar. Disa prej të dhënave tuaja personale mund t’i korrigjoni ose përditësoni përmes llogarisë tuaj të përdoruesit në Platformë. Në çdo rast, korrigjimi duhet të kryhet sa më shpejt të jetë e mundur, por jo më vonë se 30 (tridhjetë) ditë nga data e marrjes së kërkesës. Në këtë rast, ne do të njoftojmë edhe Marrësit mbi korrigjimin apo saktësimin përkatës.

1. E drejta për të kërkuar fshirjen

Ju mund të na kërkoni të fshijmë të dhënat tuaja personale nga sistemet tona. Ne do të zbatojmë një kërkesë të tillë, brenda 30 (tridhjetë) ditëve nga data e marrjes së kërkesës, nëse nuk kemi një bazë ligjore për të mos i fshirë ato. Në këtë rast, ne do të njoftojmë edhe Marrësit mbi fshirjen e të dhënave tuaja personale.

1. E drejta për të kundërshtuar

Ju keni të drejtën të kundërshtoni përdorimin e të dhënave tuaja personale nëse ato përpunohen për qëllime të tjera nga ato që janë të nevojshme për kryerjen e shërbimeve të Platformës ose për përmbushjen e një detyrimi ligjor. Nëse kundërshtoni përpunimin e mëtejshëm të të dhënave tuaja personale, kjo mund të çojë në pakësimin e mundësive për përdorimin e Platformës.

Të dhënat personale që përpunohen për qëllime të marketingut mund të kundërshtohen, në çdo kohë dhe pa detyrimin për të shpjeguar arsyetimin. Në këtë rast, ne do të ndalojmë përpunimin e të dhënave tuaja për qëllime të marketingut të drejtpëdrejtë, apo profilizimit.

1. E drejta për të kërkuar kufizimin e përpunimit

Ju mund të kërkoni nga ne të kufizojmë përpunimin e të dhënave personale, për shembull, kur kërkesat tuaja për fshirje, korrigjim ose kundërshtim janë në shqyrtim e sipër dhe/ose kur nuk kemi bazë ligjore për t’i përpunuar ato. Megjithatë, kjo mund të çojë në pakësimin e mundësive për përdorimin e Platformës.

1. E drejta për transferimin e të dhënave

Ju keni të drejtën të merrni të dhënat personale që na keni dhënë në një format të strukturuar dhe të përdorur gjerësisht dhe t'ia përcillni ato në mënyrë të pavarur një pale të tretë. Transferueshmëria nuk cënon të drejtën tuaj për fshirjen e të dhënave personale.

1. Si të ushtroni të drejtat tuaja

Të drejtat e përmendura më lart mund të ushtrohen duke kontaktuar njësinë mbështetëse të përdoruesit ose duke dërguar një shkresë ose një email te ne në adresat e përcaktuara më poshtë, të cilat përmbajnë të dhënat vijuese: emrin e plotë, adresën, adresën e email-it dhe një numër telefoni.

Gevio Tabaku P.F., me emrin tregtar “Portal Solutions Albania”.

E-mail: [email protected]

Adresa: Rruga Mikel Maruli

Nëse keni një llogari në Platformë, ju rekomandojmë të na kontaktoni përmes njësisë mbështetëse në Platformë, pasi kjo na mundëson të identifikojmë më lehtë identitetin tuaj. Ne mund të kërkojmë të dhëna shtesë të nevojshme për të konfirmuar identitetin e Përdoruesit. Ne mund të refuzojmë ose të tarifojmë kërkesat që janë në mënyrë të paarsyeshme të përsëritura, të tepërta ose haptazi të pamotivuara. Çdo kërkesë do të trajtohet në përputhje me afatet dhe procedurat e parashikuara në Ligj.

1. VEGËZAT E PALËVE TË TRETA

Faqja jonë e internetit dhe aplikacioni ynë mund të përmbajë lidhje me faqe interneti të palëve të treta. Nëse ndiqni një lidhje drejt ndonjërës prej këtyre faqeve të internetit të palëve të treta, ju lutemi vini re se ato kanë politikat e tyre të privatësisë dhe se ne nuk pranojmë asnjë përgjegjësi apo detyrim për politikat e tyre apo për përpunimin e të dhënave tuaja personale. Ju lutemi kontrolloni këto politika përpara se të dorëzoni ndonjë të dhënë personale në faqet e internetit të tilla të palëve të treta.

1. PYETJE DHE PËRDITËSIME

Nëse përdoruesi konsideron se përpunimi i të dhënave personale nga ne është i paligjshëm, përdoruesi mund të depozitojë një ankesë pranë Komisionerit për të Drejtën e Informimit dhe Mbrojtjen e të Dhënave Personale, Rruga “Abdi Toptani”, Ndërtesa nr. 5, 1001, Tiranë, Shqipëri, [email protected].