Kushtet e perdorimit

Këto TERMA DHE KUSHTE PËRDORIMI (në vijim referuar si “Termat”) do të gjejnë zbatim për të gjitha marrëdhëniet ndërmjet subjektit me emrin tregtar “Portal Solutions Albania” (në vijim referuar si “Portali” ose “Ne”) dhe Përdoruesit në lidhje me përdorimin e Platformës Portali Studentor (siç përcaktohet më poshtë). Duke krijuar një llogari në Platformë, Përdoruesi bie dakord me zbatimin dhe përmbajtjen e këtyre Termave dhe për përpunimin e të dhënave të tij personale që zbulohen gjatë regjistrimit dhe përdorimit të Platformës në kushtet e përcaktuara në këto Terma.

1. PËRKUFIZIME
2. “Çmimi i Shërbimit” nënkupton çmimin bruto, duke përfshirë, por pa u kufizuar në tatimin mbi vlerën e shtuar apo tatimet e tjera, që Përdoruesi duhet të paguajë për Shërbimin e porositur nga Portali.
3. “Forca Madhore” nënkupton çdo ngjarje ose rrethanë përtej kontrollit të arsyeshëm të një Pale, që do të përfshijë, por nuk do të kufizohet vetëm në, fatkeqësi natyrore, luftë, trazira civile, greva, pandemia, kufizime të vendosura nga qeveria, ose çdo ngjarje tjetër që e bën të pamundur ose të pamundur zbatimin e detyrimeve të një Pale sipas këtyre Termave.
4. “Institucion i arsimit të lartë” nënkupton një person juridik që ofron arsim të lartë ose kualifikim profesional pas arsimit të mesëm dhe, sipas llojit të institucionit, edhe kërkim shkencor, si pjesë e sistemit të arsimit të lartë, të krijuar, dhe që ushtron veprimtarinë në përpuhtje me legjislacionin në fuqi.
5. “Kontrata” nënkupton këtë Kontratë, së bashku me të gjitha anekset, shtesat dhe ndryshimet e bashkëngjitura këtu ose të përfshira me reference në të.
6. “Kriteret shtesë” nënkuptojnë kërkesat apo kushtet plotësuese të vendosura nga institucionet e arsimit të lartë, përveç kriterit të notes mesatare, me qëllim përzgjedhjen e kandidatëve për pranimin në programet e studimit. Këto kritere shpallen publikisht nga institucionet përkatëse.
7. “Ligjet e Zbatueshme” nënkuptojnë të gjitha ligjet, rregulloret, urdhrat ose direktivat e zbatueshme për ofrimin e shërbimeve të pagave në Republikën e Shqipërisë, përfshirë por pa u kufizuar në ligjet e punës, ligjet tatimore dhe rregulloret për mbrojtjen e të dhënave.
8. “Përdoruesi” nënkupton çdo person që ka regjistruar një llogari përdoruesi në Platformë dhe përdor shërbimet e Platformës përmes asaj llogarie përdoruesi.
9. “Platforma” nënkupton Platformën, që operohet nga Ne, në kapacitetin e ofruesit të shërbimeve online, që: (i) u mundëson Përdoruesve të informohen mbi rezultatet e tyre të vlerësimit të jashtëm në kohë reale, si dhe të kenë akses në dhëna statistikore për vlerësimin e jashtëm në të gjithë Republikën e Shqipërisë; (ii) u mundëson Përdoruesve të shfletojnë të gjithë institucionet e arsimit të lartë në Republikën e Shqipërisë dhe programeve të studimit që këto institucione ofrojnë, si edhe të kenë qasje të detajuar për programet përkatëse të studimit, duke i ndërlidhur ato edhe me informacionin e dhënë për t’u regjistruar në Platformë, me qëllim që të përllogariten mundësitë që Përdoruesi ka për t’u pranuar në program të caktuar, si dhe konkurrueshmërinë e programit të studimit për atë vit akademik; (iii) u mundëson Përdoruesve të informohen dhe përditësohen në lidhje me lajmet apo ngjarjet më kryesore përsa i takon jetës akademike; (iv) u mundëson Përdoruesve që, përmes një sistemi/algoritmi, të kryqëzojnë të gjitha të dhënat publike të disponueshme të viteve të kaluara me të dhënat aktuale të Përdoruesit, me qëllim përllogaritjen, sa më të përafërt, të mundësive që një Përdorues ka për t’u pranuar në një program të caktuar studimi në institucionet e arsimit të lartë përmes përzgjedhjes së programeve të preferencës; (v) u mundëson Përdoruesve që, në kohë reale, të shohin renditjen e tyre në sistemin elektronik qeveritar që lejon përzgjedhjen e programeve të studimit dhe institucioneve, në raport me konkurrueshmërinë; (vi) u mundëson Përdoruesve të komunikojnë në kohë reale dhe në mënyrë të drejtpëdrejtë përmes një chat-i, të inkorporuar në Platformë, me përfaqësues të institucioneve të arsimit të lartë; (vii) u mundëson Përdoruesve të shfletojnë të gjitha mundësive dhe/ose vakancave të punës për studentë, që ofrohen nga palë të treta; si dhe (viii) çdo shërbim tjetër të lidhur me sa më sipër që është i ofrueshëm në momentin e regjistrimit të Përdoruesit, ose që mund të ofrohet nga Platforma më vonë.
10. “Porosia” nënkupton porosinë e Shërbimit që Përdoruesi ka bërë tek Portali përmes Platformës.
11. “Pranimi në programin e studimit” nënkupton procesin procesin nëpërmjet të cilit një kandidat fiton të drejtën për të ndjekur programin e studimit në ciklin e parë të studimit, pasi ka përfunduar me sukses arsimin e mesëm dhe plotëson kriterin e notës mesatare të vendosur nga Këshilli i Ministrave, si dhe të kritereve shtesë të përcaktuara nga institucionet e arsimit të lartë.
12. “Programi i studimit” nënkupton një tërësi veprimtarish akademike dhe/ose kërkimore shkencore, përfundimi me sukses i të cilave i jep të drejtën studentit të pajiset me një certifikatë, diplomë ose gradë shkencore prej institucionit të arsimit të lartë që e ofron atë, në varësi të llojit të programit të studimit.
13. “Vlerësimi i jashtëm i nxënësit” nënkupton procesin që synon të evidentojë arritjet e nxënësve nëpërmjet provimeve të matures shtetërore.
14. “Vlerësimi i nxënësit” nënkupton procesin që synon të evidentojë arritjet e të nxënit të nxënësit gjatë një periudhe ose viti shkollor, dhe që realizohet nëpërmjet notave numerike.
15. Të gjitha fjalët e tjera të përdorura në këtë Kontratë, që nuk janë përkufizuar shprehimisht më sipër ose në vijim, do të kenë të njëjtin kuptim që u është dhënë nga legjislacioni shqiptar në fuqi, dhe/ose kuptimi i tyre i zakonshëm.
16. OFRIMI I SHËRBIMIT
17. Portali i lejon Përdoruesit të përfitojë Shërbimet e ofruara, nën kushtet e parashikuara në këtë Kontratë.
18. Për ato shërbime të cilat përfitohen kundrejt pagesës, një Kontratë Shitjeje lidhet drejtpërdrejt midis Përdoruesit dhe Platformës, e cila i ofron shërbimin Përdoruesit nën kushtet e parashikuara në këtë Kontratë.
19. Duke operuar Platformën Portali Studentor, Ne veprojmë si ofrues i shërbimit të shoqërisë së informacionit, dhe nuk kemi asnjë përgjegjësi mbi të dhënat publike të disponueshme, të cilat pranohen si të mirëqena derisa nuk është provuar e kundërta.
20. Platforma është e disponueshme vetëm për Përdoruesit që janë të paktën 16 vjeç. Përdoruesi mund të mos e përdorë Platformën nëse ai nuk e plotëson këtë kriter.
21. Përmbajtja e ngarkuar në Platformë është dhe bie vetëm nën përgjegjësinë e organeve publike, të cilat prodhojnë, ruajnë dhe mbajnë të dhënat publike, mbi bazën e të cilave Platforma ofron shërbime, dhe të institucioneve të arsimit të lartë, dhe Portali nuk ka asnjë detyrim për të monitoruar në mënyrë aktive dhe të vazhdueshme për ta rishikuar këtë përmbajtje apo vlefshmërinë e saj. Pavarësisht kësaj, Portali ka të drejtën që të kryejë të pasqyrimin, reflektimin dhe saktësimin e të dhënave publike, me qëllim që t’i mbajë ato sa më të përditësuara për të reflektuar realitetin, si edhe ka të drejtën për të hequr dhe fshirë çdo përmbajtje të pretenduar të paligjshme pas marrjes së njoftimit mbi ekzistencën e kësaj përmbajtjeje në Platformë.
22. Me përdorimin e Portalit, Përdoruesi e pranon dhe e kupton natyrën orientuese të të dhënave të siguruara nga algoritmi dhe heq dorë nga çdo pretendim ndaj Portalit për pasoja që mund të rrjedhin nga përdorimi i të dhënave orientuese të përfituara nga Portali.
23. Platforma ka të drejtën për të pezulluar, për një periudhë të caktuar kohe dhe pasi të ketë lëshuar më parë një paralajmërim, përpunimin e ankesave nga një Përdorues që në mënyrë të vazhdueshme paraqet ankesa të pabazuara ose njoftime të tilla mbi përmbajtje të pretenduar si të paligjshme. Në vlerësimin e rrethanave për pezullim, Portali mban në konsideratë:
    1. Numrin e ankesave të pabazuara të dërguara brenda një muaji;
    2. Numrin e ankesave të pabazuara të dërguara brenda një muaji në krahasim me numrin total të ankesave të administruara brenda atij muaji;
    3. Rëndësinë e keqpërdorimit të mekanizmit të ankimit;
    4. Nëse aplikohet, qëllimin e ankuesit për dërgimin e një ankese të tillë.
24. PËRFITIMI I SHËRBIMEVE PËRMES PLATFORMËS
25. Përdoruesi mund të përzgjedhë dhe Porositë Shërbime përmes Platformës, kundrejt kryerjes së pagesës për shërbimin përkatës në atë masë dhe vlerë që tregohet në Platformë.
26. Klienti ka të drejtë të përfitojë Shërbime në mënyrën që përputhet me përshkrimin e tyre në Platfromë, si dhe çdo specifikim tjetër shtesë, për të cilin mund të jetë rënë dakord.
27. Pavarësisht përpjekjeve të Portalit për të ofruar Shërbimet në kohën e treguar në Platformë apo sipas Marrëveshjes së Shitjes me Klientin, Portali rezervon të drejtën për të dorëzuar shërbimin në një kohë tjetër, e cila në çdo rast nuk duhet të jetë më e madhe e dakordësuar fillimisht mes Palëve. Kjo nuk passjell përgjegjësi për Portalin, për aq kohë sa vonesa bazohet në një shkak të arsyeshëm si: mungesa e përkohshme e burimeve të nevojshme për ofrimin e Shërbimit; veprime ose mosveprime të palëve të treta që lehtësojnë ofrimin e Shërbimit; ngarkesa e rrjetit etj. Në çdo rast, Portali do të njoftojë Përdoruesin për vonesën dhe arsyet e vonesës, brenda një afati të arsyeshëm nga momenti i konstatimit të shkakut të arsyeshëm, por jo më vonë se 1 (një) orë nga momenti i përfundimit të afatit për dorëzimin e Shërbimit.
28. ANKESAT
29. Nëse Klienti ka ndonjë ankesë në lidhje me Shërbimin e Porositur, ai është i lutur të informojë Portalin përmes Platformës sa më herët të jetë e mundur, por jo më vonë se 7 (shtatë) ditë nga data e marrjes së Shërbimit. Platforma rezervon të drejtën për të kërkuar të dhëna dhe shpjegime shtesë në lidhje me rrethanat e ankesës, dhe vendos mbi ankesën brenda 5 (pesë) ditëve nga marrja e ankesës.
30. PAGESAT DHE FATURIMI
31. Përdoruesi duhet të paguajë Çmimin e Shërbimit në shumën e përcaktuar në Platformë, përmes një pale të tretë që ofron shërbime të sigurta të procesimit të pagesave. Çmimet e Shërbimeve në Platformë mund të ndryshohen herë pas here përpara se të kryhet një Porosi.
32. Të gjitha pagesat kryhen nga karta e pagesës së Klientit ose me metoda të tjera pagese të aktivizuara nga Klienti në Platformë, përveç pagesave me para në dorë. Pagesat kryhen përmes një procesori të palës së tretë për pagesa. Pas konfirmimit të Porosisë, Klienti autorizon pagesën me kartën e tij të pagesës ose duke përdorur një metodë tjetër të pranueshme pagese në shumën e Çmimit të Porosisë dhe shuma përkatëse do të rezervohet në kartën e pagesës ose përmes mjeteve të tjera të pagesës. Pagesa lidhur me Porosinë do të kryhet dhe do të ngarkohet nga karta e pagesës së Klientit ose duke përdorur metoda të tjera pagese brenda 72 orëve nga konfirmimi i Porosisë.
33. Detyrimi i Përdoruesit për të paguar Shërbim që rrjedh nga Kontrata e Shitjes konsiderohet i përmbushur kur pagesa për Portalin është kryer përmes procesorit të palës së tretë dhe është zbritur nga karta e pagesës së Përdoruesit. Në ato raste kur Çmimi i Shërbimit nuk mund të mbahet nga karta e pagesës së Përdoruesit, Porosia nuk do të pranohet dhe për rrjedhojë, mes Përdoruesit dhe Portalit nuk konsiderohet se ekziston ndonjë Kontratë.
34. Portali, sipas vlerësimit të tij, mund të bëjë oferta promocionale dhe zbritje për Çmimin e Shërbimit.
35. Duke rënë dakord me këto Kushte të Përgjithshme, Klienti shprehimisht jep pëlqimin për marrjen e faturave elektronike. Faturat elektronike lëshohen dhe pranohen në çdo format elektronik, duke përfshirë email me një dokument të bashkangjitur në formë PDF.
36. ANULLIMI I POROSISË, PEZULLIMI DHE PËRFUNDIMI I PËRDORIMIT
37. Portali mund të anulojnë Porosinë në çdo kohë dhe, në këto raste, Klienti ka të drejtë për një rimbursim të plotë.
38. Portali ka të drejtë të pezullojë përkohësisht qasjen e Klientit në Platformë ose të përfundojë këtë Marrëveshje me efekt të menjëhershëm, dhe/ose të refuzojë ose të anulojë çdo Porosi, nëse Klienti shkakton ndonjë abuzim ose dëm në Platformë, nëse Portali ka një dyshime të arsyeshme për akte mashtrimi nga ana e Klientit gjatë përdorimit të Platformës, ose nëse Klienti nuk përmbush detyrimet e tij/saj sipas këtyre Termave.
39. Përdoruesi nuk duhet të përdorë Platformën për qëllime të pastrimit të parave, si dhe për ndonjë aktivitet tjetër kriminal (siç përcaktohet nga Portali sipas diskrecionit ekskluziv të tij). Nëse Përdoruesi shkel këto dispozita, Portali do të përfundojë në mënyrë të menjëhershme këtë Marrëveshje, dhe do të njoftojë agjencitë ligjzbatuese.
40. LICENCA, TË DREJTAT E PRONËSISË INTELEKTUALE DHE PËRPUNIMI I TË DHËNAVE PERSONALE
41. Portali Studentor i jep një licencë të revokueshme, jo-ekskluzive, dhe jo të transferueshme, Përdoruesit për përdorimin e Platformës me qëllim përfitimin e Shërbimeve.
42. Të gjitha të drejtat e pronësisë intelektuale lidhur me softuerin, dokumentacionin ose informacionin e përdorur ose të zhvilluar nga ose në emër të Portalit gjatë ofrimit të shërbimeve të teknologjisë së informacionit sipas kësaj Kontrate, si dhe të dhënat dhe statistikat për shërbimet e pëfituara përmes Platformës i përkasin Portalit Studentor. Përdoruesi nuk do të kopjojë, modifikojë, përshtasë, shpërndajë, dekompilojë ose në ndonjë mënyrë zbulojë kodin burimor të Platformës ose ndonjë softuer tjetër të përdorur nga Portali Studentor.
43. Përdoruesi nuk do ta përdorë Platformën për qëllime të paautorizuara ose të paligjshme ose të dëmtojë apo të synojë të dëmtojë funksionimin e duhur të Platformës.
44. Të dhënat personale do të mblidhen dhe përpunohen sipas Ligjit nr. 124/2024 “Për mbrojtjen e të dhënave personale”, akteve nënligjore në fuqi, si dhe me Politikat e Privatësisë.
45. PËRGJEGJSHMËRIA
46. Portali përdor algoritme me qëllim ofrimin e përllogaritjeve të përafërta lidhur me mundësinë e pranimit të Përdoruesit në programe të ndryshme studimi. Këto përllogaritje kanë karakter orientues dhe nuk përbëjnë në asnjë rast garanci apo detyrim të ndonjë pale për pranimin faktik të Përdoruesit në programet përkatëse.
47. Algoritmi mund të përditësohet periodikisht, bazuar në kritere teknike, zhvillime metodologjike apo ndryshimet që pësojnë politikat arsimore, duke përfshirë, por pa u kufizuar në kriteret e pranimit etj. Portali rezervon të drejtën për të kryer çdo përditësim pa detyrim për njoftim paraprak.
48. Portali nuk mban asnjë përgjegjësi për vendimet e marra nga Përdoruesi mbi bazën e të dhënave, përllogaritjeve ose rekomandimeve të ofruara nga algoritmi. Përdoruesi mbetet përgjegjës i vetëm për çdo veprim apo vendimmarrje të ndërmarrë mbi bazën e këtij informacioni. Për më tepër, Përdoruesi njeh dhe pranon se çdo renditje, përllogaritje ose vlerësim i mundësive për t’u pranuar në një program studimi vjen si rezultat i përpunimit të të dhënave të ofruara nga vetë Përdoruesi dhe kryqëzimit të tyre me të dhënat e marra nga burime të hapura dhe publike. Për saktësinë, plotësinë apo përditësimin e tyre në kohë reale të këtyre të dhënave, Portali nuk mban asnjë përgjegjësi.
49. Portali nuk mban asnjë përgjegjësi për ndonjë dëm të drejtpërdrejtë apo të tërthortë, të tashëm apo të ardhshëm, duke përfshirë, por pa u kufizuar në humbjen e të ardhurave, humbjen e të dhënave, ndërprerjen e veprimtarisë apo dëmtimet e tjera që mund të vijnë si pasojë e përdorimit ose pamundësisë për të përdorur Platformën, pavarësisht nëse Portali ka njoftuar ose jo për mundësinë e ndodhjes së një dëmi të tillë.
50. Portali është përgjegjës vetëm për përmbushjen e Kontratës së Shitjes, dhe për çdo kërkesë tjetër të lidhur me të. Portali nuk është përgjegjës për ndonjë mospërmbushje apo mospërputhje që mund të ekzistojë si pasojë e mospërditësimit të të dhënave zyrtare nga ana e organeve publike, si dhe të dhënave të institucioneve të arsimit të lartë.
51. Përdoruesi pranon që nuk do ta përdorë Platformën për qëllime të paligjshme, mashtruese ose të dëmshme për pale të treta. Po ashtu, Përdoruesi mban përgjegjësi të plotë për ruajtjen e sigurisë së kredencialeve të aksesit në Platformë dhe njofton Portalin menjëherë në rast të dyshimit për keqpërdorim të kredencialeve të tij.
52. Përdoruesi pranon që veprime që lidhen me rooting, jailbreaking, ose modifikimin e ndonjë pajisjeje elektronike, duke përfshirë edhe pajisjet në nivelin e hardware ose sistemeve operative, në çfarëdo mënyre që bie ndesh me udhëzimet e prodhuesit e bën pajisjen të cenueshme ndaj kërcënimeve kibernetike. Për më tepër, Përdoruesi pranon që përdorimi i pajisjeve false dhe zgjidhjeve të tjera që përpiqen të komunikojnë me sistemet e Portalit Studentor nuk lejohet. Përdoruesi pranon që Portali nuk do të jetë përgjegjës për asnjë humbje që lidhet me përdorimin e një pajisjeje të tillë të modifikuar ose pajisjeve false dhe zgjidhjeve të tjera të ngjashme, dhe që Platforma nuk do të ketë asnjë detyrim për të mbështetur përdorimin e një pajisjeje të tillë.
53. FORCA MADHORE
54. Portali nuk do të jetë përgjegjës për ndonjë vonesë ose dështim në përmbushjen e detyrimeve të saj sipas këtyre Termave nëse një vonesë ose dështim i tillë ndodh për shkak të Forcës Madhore
55. Në rast se preket nga Forca Madhore, Portali duhet të njoftojë menjëherë Përdoruesin për ndodhjen e një ngjarjeje të tillë dhe të marrë të gjitha hapat e arsyeshëm për të zbutur ndikimin e ngjarjes.
56. LIGJI I APLIKUESHËM DHE JURIDIKSIONI
57. Këto Terma do të zbatohen në përputhje me ligjet e Republikës së Shqipërisë.
58. NDASHMËRIA
59. Nëse ndonjë dispozitë e këtyre Termave gjendet nga një autoritet që ka juridiksion mbi të, si e pazbatueshme ose e pavlefshme, kjo pazbatueshmëri ose pavlefshmëri nuk do t’i bëjë Termat të pazbatueshme ose të pavlefshme në tërësi dhe, në një rast të tillë, kjo dispozitë do të ndryshohet dhe interpretohet në mënyrë që të arrihen sa më mirë objektivat e kësaj dispozite brenda kufijve të ligjit të zbatueshëm ose vendimeve gjyqësore përkatëse.
60. DISPOZITA TË PËRGJITHSHME
61. Portali rezervon të drejtën për të ndryshuar Kushtet dhe Termat në çdo kohë, duke i ngarkuar ato të rishikuara në Platformë dhe duke njoftuar të gjithë Përdoruesit e regjistruar në Platformë përmes adresës së postës elektronike (e-mail).
62. Portali mund të ndryshojë ose të heqë pjesë të ndryshme të Platformës ose ta ndryshojë atë, veçoritë e saj dhe përzgjedhjen e institucioneve të arsimit të lartë që përfshihen në Platformë, pjesërisht ose plotësisht, në çdo kohë dhe pa njoftim paraprak.
63. Përdoruesi mund të aksesojë Platformën vetëm përmes lidhjes së internetit. Ndonëse nuk ka kërkesa specifike teknike për lidhjen e internetit, cilësia e Shërbimeve të Platformës mund të ndikohet nga shpejtësia e lidhjes tuaj të internetit. Platforma është e disponueshme si në variantin web, ashtu dhe në pajisjet Android dhe Apple në përputhje me përditësimet më të fundit të softuerit.
64. Gjatë krijimit të një llogarie të Përdoruesit në Platformë, numri i telefonit i Përdoruesit lidhet me llogarinë e tij/saj dhe shtohet në bazën e të dhënave të Portalit. Nëse Përdoruesi përditëson numrin e tij/saj të telefonit pas krijimit të llogarisë në Platformë dhe dëshiron të vazhdojë përdorimin e Platformës, atëherë duhet të njoftojë Portalin për numrin e përditësuar sa më shpejt të jetë e mundur. Pas përditësimit të numrit të telefonit, Përdoruesi do të marrë një kërkesë verifikimi në numrin e tij/saj të ri të telefonit përmes SMS-it ose mjeteve të tjera të komunikimit të Portalit. Përdoruesi duhet të verifikojë numrin e tij/saj të ri të telefonit duke ndjekur udhëzimet në SMS-in ose mjetet e tjera të dërguara nga Portali. Pasi numri i telefonit të verifikohet, ai do të përditësohet automatikisht në profilin e Përdoruesit. Nëse Përdoruesi ndryshon numrin e telefonit të lidhur me llogarinë e tij/saj në Platformë dhe nuk dëshiron ta përditësojë atë në Platformë, atëherë duhet të ndërpresë përfitimin e Shërbimeve sipas këtyre Termave nga Portali dhe më pas, llogaria e Përdoruesit do të çaktivizohet. Ndërprerja e shërbimit sipas këtyre Termave dhe çaktivizimi i llogarisë për arsyet e sipërpërmendura nuk e pengon Përdoruesin të krijojë një llogari të re në Platformë me një numër telefoni të vlefshëm.
65. Portali ofron shërbime të cilat janë projektuar, dorëzuar dhe përputhen me standardet dhe praktikat më të mira të industrisë, sa herë që kjo është e realizueshme dhe nuk bie në kundërshtim me kërkesa të tjera të dakorduara.